Bertsoa.eus atariak eman du Azpillagaren heriotzaren berri. Pasaian (Gipuzkoa) jaio zen, eta urte eta erdi zituela Berriatura (Bizkaia) joan zen bizitzera —bere aita gudaria zen, eta gerran hil ostean egin zuen amak harako bidea—. Ondarroan egin zuen batik bat bizimodua gaztaroan, eta 1960az geroztik Mutrikun (Gipuzkoa) bizi zen, hara ezkondu baitzen.
Txikitatik zuen bertsoaren arra zainetan. Bere osaba bat oso bertsozalea zen, eta hainbat bertso ikasi zituen buruz Azpillagak. 14 urterako hasi zen berak sortutako koplak kantatzen. Urteko garai inguru honetan hasi zen gainera kantuan, santa eskean ezagutzen baitzizkio aurrenekotako koplak. Ez zen isilik egotekoa, eta polizia atzetik izan arren, Frankismoko zentsuraren gainetik, hara eta hona ibili zen, besteak beste, Jon Lopategi lagun hartuta.
Txapelketetan ere aritu zen Azpillaga. 1961ean, Bizkaiko txapeldun izan zen, eta txapelketa nagusietan lau aldiz heldu zen finalera: 1960an, 1962an, 1980an eta 1982an.
HILBERRIA
Jon Azpillaga bertsolaria hil da
81 urte zituen.
Iruzkinak
Ez dago iruzkinik
Ordenatu
