Joxan Ormazabal zenari omenaldia egingo diote Elkar argitaletxeko lagunek. Duela urtebete eskas zendu zen idazlea, eta lagunarteko ekitaldi baten bitartez ekarriko dute gogora, gaur, Tolosako Topic txotxongilo zentroan(Gipuzkoa), 17:30etik aurrera.
Bereziki haur literaturan nabarmendu zen Ormazabal, eta lan oparoa utzi zuen idatzita. Harenak dira, beste askoren artean, Maripertxenta, Esaera zaharrak eta txiste berriak eta Pernando Amezketarra lan ezagunak, 90eko hamarkadan Elkarrek argitaratutakoak denak ere.
Idazle, marrazkilari, trikitilari, haur kantari, bertsolari eta hainbat eragiletako kideak bilduko dira Tolosan. Ekitaldi irekia izango da, eta parte hartzera deitu dute.
Joxan Ormazabal lagunartean omenduko du gaur Elkarrek, Tolosan
Topic zentroan egingo dute ekitaldia, eta idazlearen inguruko hainbat sortzailek hartuko dute parte
Iruzkinak
Ez dago iruzkinik
Ordenatu
