Annlaug Borsheim
'Spring Før Sola Står Opp'
Diskoetxea: Apollon records.
Herri musikarekiko askotariko distantzietan dabiltzan zenbait egitasmotan aritu da Norvegiako kantari eta hardangefiddle zein gitarra jotzailea: batzuk oso erroetara begirakoak dira; beste batzuek folk-rock eta pop ingelesaren eragin nabarmena erakusten dute. Gauza bera gertatzen da bakarka kaleratu dituen sei diskoekin. Azken honetan, adibidez, folk-rock proposamen askotarikoa egiten digu entzuleoi. Une interesgarrienetan melodia eta kantaera tradizionalak rock ukitu gordin eta inpresionistekin uztartzen ditu. Balada akustikoetan, berriz, azkar sumatzen da kantariak folk anglosaxoitik edaten duela, eta azkenik badira pop-rock estandarretik hurbilago gertatzen diren kantu ez hain inspiratuak. Interesgarria.
