rome
'The Tower'
Diskoetxea: Trisol music
Rome izenaren atzean Jerome Reuter dago. Ahots sakona, lodia du Luxenburgoko kantari eta idazleak, hurbilago, betiere, tradizio germanikotik anglosaxoitik baino. Espeziala gertatzen da kantaera hori (Nik Caverena baino sakonagoa batzuetan, hortik atera kontuak) Romek proposatzen digun folk apokaliptikorako. Emari handikoa da Reuter jauna, eta hortxe dago 2005etik taldeak osatutako diskografia mamitsua. Adibidez, 2025eko azken hatsetan bi disko kaleratu zituen batera: The Tower hau eta The Hierophant. Disko erabat akustikoak dira biak, ohikoak dituzten letaniaz, giro ilunez eta epikaz beteak. Intentsoak, oso intentsoak.
