SUNDAY MOURNERS
'A-Rhythm Absolute'
Diskoetxea: Curation Records.
Kaliforniatik dator laukote hau, baina haren estreinako diskoan entzun daitekeenaren arabera, New Yorkekoa izan zitekeen trankil-trankil. Are, 1970eko hamarkadaren amaierakotzat jotzeko tentazioa ere izango genuke. Baina ez. Sunday Mourners gaur-gaurko taldea dugu, nahiz eta haren musikak atzera eramaten gaituen. Television (Biography), The Feelies (Careers in Acting) eta Talking Heads (He Cried) taldeen eragina antzeman dakioke, baina tarteka The Velvet Underground eta Yo La Tengoren eztanda elektrikoetara ere hurbiltzen da (Darling). Debut album oso estimagarria.
