The Beaches

Torontotik datoz lau emakume hauek, eta haien hirugarren diskoan indie-jangle-poparen eta pop epikoaren artean aise mugitzen direla erakusten dute. No Hard Feelings, beste ezeren gainetik, ahots gora abesteko eta etenik gabe dantzatzeko pop ereserki itsaskorrez beterik baitago. Askotan Alvvays taldearen moldeak ekartzen ditu gogora (Did I Say Too Much), eta uneren batean RVGren antza ere har dakioke, batez ere, Romy Vagerrena bezala, Jordan Millerren ahotsa ere sendoa delako (Sorry For Your Love). Une bizien (Last Girls at The Party) eta bareagoen (Lesbian of The Year) artean, lehenengoak nabarmentzen dira, baina, edonola ere, hutsune gutxiko lana da No Hard Feelings.