the telephone numbers
'Scarecrow II'.
Diskoetxea: Slumberland
AEBetako San Frantzisko hiriko pop independentearen ikurretako bat da Thomas Rubenstein. 2021ean telefono zenbakien estreinako lan sendoa argitaratu zuen, The Ballad Of Doug, eta orain, orduko proposamena nabarmen aberastu du, besteak beste, soken konponketak tarteko. Taldea ere berritu du: Morgan Stanley (The Umbrellas), Phil Lantz (Neutrals, Chime School) eta Charlie Ertola. Emaitza The Go-Betweens australiar klasikoen parean dago, bai instrumentazioagatik bai kantuen kalitateagatik. Bigarren ahalegin hau karameluz gainezka datorren pastel borobila da pop zaleontzat. 2025eko pop disko onenetarikoa da, azaroan etorriko den Sharp Pinsen berriarekin batera.
