'Woody At Home'WOODY GUTHRIE
Diskoetxea: Woody Guthrie Publications.
Lehenengo zinta-grabagailu estereoak 1950ean agertu omen ziren AEBetan, eta horrelako bat utzi zioten Woody Guthrieri bere gauzatxoak graba zitzan. Eta horrela grabatu zituen disko bikoitz honetan bildutako 22 kantuak Brooklyneko bere apartamentuan. Tartean badira kantu ezagunen sutondoko bertsioak. Adibidez; diskoa irekitzen duen This Land Is Your Land himnoaren bertsio berezia, edota Deportees ezagunaren bertsio primitiboa. Horrez gain, badira sekula argitaratu gabeko hamahiru kantu. Grabazioak berreraiki dituzte ahalik eta soinu kalitaterik handiena eduki dezaten, baina, era berean, maketa ukiturik galdu gabe, eta lortu dutela esan daiteke. Ederra.
