LABAYRU, ETORKIZUNARI BEGIRA

Aurrera begira dituen helburuak eta konpromisoak aurkezteko ekitaldia egin zuen atzo, Bilbon, Labayru Fundazioak. 40 urteko ibilbidearen ostean, iaz «gogoeta estrategikoa» egin zuen, eta jakinarazi ditu jada ondorioak: komunikazioari dagokionez, irudia, izena eta logoa berritu dituzte; eta egitasmoen karietara, proiektu berriak mamitzen hasiko dira. Iñigo Urkullu EAEko lehendakaria, Miren Josune Aritzondo Bizkaiko Kultura diputatua eta Patxi Baztarrika Jaurlaritzako Hizkuntza sailburuordea izan ziren ekitaldian.