Liburuan esandakoak

•Nestor Basterretxea: «Euskal herritarren protesta itzela izan zen Ama Lur, Espainiako diktaduraren aurkako aldarria».

•Imanol Uribe: «[Errodajea] une gorena da niretzat, gainontzekoa da bizitzea errodatzeko».

•Antxon Ezeiza: «Mundu guztiak ezberdintzen ditu aktore ingelesa, suediarra edota italiarra. Guk ez dakigu gure ekintza bakoitzean dagoen arrastoa bereizten. Eskuak, keinuak, jarrerak, eutsitako emozioak, heriotzari aurre egiteko modua…».

•Montxo Armendariz: «Niretzat funtsezkoa ez da filmak euskaraz errodatzea ala ez, askoz garrantzitsuagoa da euskara merkatuan egotea, zineman eta leku guztietan».

•Juanba Berasategi: «Pelikula euskaldunak daude, ez zinematografia euskalduna. Oraindik ezin dugu definitu, horretarako prozesu luze bat behar delako».

•Helena Taberna: «Zinema ona inoiz ez da manikeoa, bi aldeez hitz egiten du, eta bi aldeak erakusterakoan behartzen zaitu gatazkan pentsatzera […]. Eta horri esker errazago joan dira gauzak Irlandan».