Literaturako Nobel Saria Doris Lessingentzat

Doris Lessing (Kermansha, Iran, 1919) idazle britainiarrak irabazi du aurtengo Literaturako Nobel Saria.

Erresuma Batuko militar baten alaba izanik, Iranen -Persia zen orduan- jaio zen, baina Rodhesiara (egungo Zimbabwe) joan ziren laster. Hala ere, 36 urterekin Londresera itzuli zenean hasi zen idazten.

Arazo sozial eta politikoekin engaiamendua izatea da haren lan literarioaren ezaugarrietako bat, bereziki, arrazakeriaren kontrako jarrerarekin eta emakumeen askatze borrokaren aldekoekin. The golden notebook (Urre koloreko koadernoa) liburua ikurtzat izan dute hainbat feministak. Hala ere, Lessingek ez du gogoko feminismoarekin identifikatzea.