Marino Goñik musikaren mundua utzi du, berrogei urtez lan egin ostean

«Disko artean lanean berrogei urtez aritu ostean»,Marino Goñik «borroka uztea» eta «erreserbara pasatzea» erabaki duela adierazi du, Gor diskoetxearen webgunean (www.gordiscos.com) irakur daitekeen ohar labur batean.Gor diskoetxea ez dela itxiko ohartarazi du testu berean, eta lankide ohiei esker ona adierazi die. Burlatan (Nafarroa) jaio zen Marino Goñi, 1951ean. Motos, Fiebre eta Balerdi Balerdi taldeetan jo zuen, eta komunikabideetan musikaz idazten ere aritu zen, baina Soñua(1981-1986), Oihuka (1987-1991) eta Gor (1991-2011) diskoetxeetan egindako lanarengatik egin da batez ere ezaguna musikaren munduan. Talde berriak plazaratzea eta euskal musikarien esparru estilistikoa zabaltzea izan dira beti haren ardura nagusiak.