Matxin Irabola bertsolari zena omenduko dute igandean haren jaioterrian, Senperen (Lapurdi), bi ekitaldi nagusirekin: Franck Dolosor kazetariak idatzi eta Elkar argitaletxeak plazaratutako Matxin Irabola, Senpereko bertsularia biografiaren aurkezpena, 16:30ean; eta Mixel Aire Xalbador, Fermin Mihura, Amets Arzallus eta Sustrai Colinaren parte-hartzea izango duen bertso saioa, 18:30ean, Joana Itzaina gai-emaileak gidatua. Amotzeko Larraldean izango dira bi ekitaldiak.
Matxin Irabolak (1879-1935) 50.000 lagunen aitzinean kantatu zuen 1933ko Aberri Egunean, Donostian, eta 1935ean hiri berean egin zen txapelketa nagusian bigarrena izan zen, Iñaki Eizmendi Basarri-ren atzetik.
Matxin Irabola omenduko dute igandean, bertso saio batekin, Senperen
Franck Dolosor kazetariak idatzi eta Elkarrek argitaratu duen biografia aurkeztuko dute aurretik
Iruzkinak
Ez dago iruzkinik
Ordenatu
