Mizgin-Mujde Arslan idazle kurdua, Hugoenean

LITERATURA. Mizgin-Mujde Arslan idazle kurdua Pasai Donibaneko (Gipuzkoa) Hugoenea Idazlearen Etxeko gonbidatua da atzodanik, bertan bizi den bitartean gidoi bat idazteko asmoa baitu. Pasaiako Udalak eta EIE Euskal Idazleen Elkarteak hitzarmen bat sinatu zuten iaz, etxe hori hizkuntza gutxituetako idazleen zerbitzuan jartzeko. Hugoenean idazten duen hirugarren idazlea izango da Arslan. Iaz bi idazle katalanek baliatu zuten etxea: Frederic Mayolek eta Silvia Aymerichek.