Lau urte igaro dira Amateur Universesdisko arrakastatsua kaleratu zuenetik, eta sei urte nazioartean ere sona hartzen hasteko baliagarria izan zitzaion Backbone Ritmo plazaratu zuenetik. Jendeak bazuen irrika Atom Rhumba taldearenlan berria entzuteko. Taldean hainbat aldaketa izan ondoren eta hainbat gorabeherak eragindako planteamendu berrietatik abiatuta sortu dute Gargantuan Melee (Brian's Records), hamalau rock kantu askotariko eta indartsuz osaturiko lana.
Rober! kantaria inoiz baino indartsuago eta ahots kolore gehiagorekin ageri da lan berrian. Nacho Beltran bateria jotzaileak eta Iñigo Cabezafuego baxu jotzaileak sekzio erritmiko sendoa osatzen dute, eta Joseba Irazoki gitarra jotzaile ipurterrea taldean sartu izanak hainbat baliabide eta kolore eman dizkio taldeari. Ohikoa den moduan, Kaki Arkarazoren esku egon da soinu gidaritza eta Joe Gonzalezek saxofoia sartu du hainbat kantutan. Josetxo Anitua zenari eskaini diote Blurred Man.
Atom RhumbaGasteizko Jimmy Jazz aretoan ariko da bihar, 20:30etik aurrera.
MUSIKA. Atom Rhumbak aldaketen indarrez atera du 'Gargantuan Melee' lan berria
Iruzkinak
Ez dago iruzkinik
Ordenatu
