Nala Sinephro harpa jotzaile belgikarrak Donostiako Jazzaldian lehen aldiz zuzenean aritzeko asmoa zuen larunbat honetan, Kursaalean. Osasun arazoak tarteko, baina, bertan behera geratu da programatuta zegoen kontzertua. Harpa jotzailea atsekabetuta azaldu da horregatik: «Bihotza hautsita daukat larunbat honetan 60. Jazzaldiko emanaldia osasun arazoak direla-eta bertan behera utziko dugula iragarri behar izateagatik».
Sinephro jazzaz gaindiko «beste genero batzuetako musikaren eta herri musikaren eskaintzako oraintsuko artista» gisa definitu zuen Donostiako Jazzaldiak. Jaialdiak adierazi du kontzerturako sarrera erosia zutenei dirua itzuliko dietela.
