Oktoberfest, punk eta ska jaialdia Durangoko erakustazokan

Punk eta ska jaialdi handia ospatuko da larunbatean Durangon, Landako erakustazokan,16:30ean hasita. Stiff Little Fingers punk talde irlandarra izango da Oktoberfest jaialdiko kartelburu. Highway Star izenarekin hasi zuen ibilbidea Belfasten, 1977an. The Clash zuzenean ikusi ostean punk bertsioak egiten hasi eta izenez ere aldatu zuten. Egun dutena The Vibrators taldearen abesti batetik hartu zuten. Dozena disko inguru dute plazaraturik eta hasierako kideetatik Jake Burns kantari eta gitarra jotzaileak jarraitzen du bakarrik.Cock Sparrer eta Slaughter & The Dogs ingeles beteranoak, Cobra Japoniako punk taldeak, Far From Finished estatubatuarrek, Keltoi! galiziarrak, eta Segismundo Toxicomano, Deskontrol eta Mortis Causa Euskal Herrikoek osatzen dute jaialdia.