Arribirilletako menhirra Brontze arokoa da, suharri zatiak aurkitu baitzituzten indusketetan. Luzeran eta zabaleran, 1,60 eta 1,70 metro neurtzen ditu hurrenez hurren. Lodieran, berriz, 0,40 metro. Orain dela 4.000 urte jarri zutenek kokatu zuten modu berean jarri dute.
Berriz ere zutik ipintzeko, proiektu arkitekniko bat ere egin dute. Anartz Ormaza arkitektoa arduratu da lan horretaz. Menhirrarentzat bereziki sortu duten zementazio sistema erabili dute.
Hasiera batean dolmen izango zelakoan zeuden Aranzadi Zientzia Elkartekoak, eta uste horrekin ekin zioten indusketei orain dela bi urte.
