Pandemia tarteko, Koldo Mitxelenako obra «birdimentsionatzea» erabaki dute

AURREKONTUAK. Gipuzkoako Foru Aldundiko Kultura, Nazioarteko Lankidetza, Gazteria eta Kirol Departamentuak 59.585.471 euroko aurrekontua izango du aurten, iaz baino milioi pasatxo gutxiago. Hala ere, Harkaitz Millan Kultura diputatuak adierazi du diru laguntzen lerroak %4 handituko dituztela, eta hainbat obra «birdimentsionatuko»: besteak beste, Koldo Mitxelena Kulturunea eraberritzeko obrak.