Piotr Motykak irabazi du Arrasateko Nazioarteko Akordeoi Lehiaketa

MUSIKA. Piotr Motyka musikari poloniarrak irabazi du Arrasateko (Gipuzkoa) Nazioarteko Akordeoi Lehiaketaren 33. ekitaldia. 4.000 euroko saria, diploma, garaikurra eta kontzertu bira eskuratu ditu. Maria Arol (Bielorrusia) eta Yilin Han (Txina) sailkatu dira bigarren eta hirugarren, hurrenez hurren. Igandean egin ziren finalak, eta Gipuzkoako 16. Lehiaketa ere jokatu zen. Infantil mailan, Adrian Tenias nagusitu zen; junior mailan, berriz, Ibon Asua; eta senior mailan, Jessica Reis.