Ruben Blades eta Andres Calamaro izango dira Pirineo Sur jaialdian

Iberiar penintsulari eskainitakoa izango da aurten Pirineos Sur jaialdia, baina penintsulatik kanpokoak izango dira bi izar nagusiak. Ruben Blades musikari, aktore, politikari eta poeta panamarrak irekiko du Lanuzako laku ederrean egin ohi den jaialdia, uztailaren 14an. Egun, proiektu askotan lan egiten ari da, Carlos Franzetti, Cheo Feliciano, Paco de Lucia eta Luba Mason musikariekin, besteak beste. Metalezko sekzio indartsua duen orkestra lagun hartuta izango da Pirinioetako jaialdian, kantu berriagoak eta Pedro Navaja eta halako klasikoak joz. Hurrengo egunean ariko dira Depedro musikari espainiarra eta Andres Calamaro argentinarra, jaialdiko talde nagusietako bi.

Uztailaren 17an, Iberiar Penintsulako taldeei eta musikariei egingo die lekua jaialdiak. Oreka TX euskal taldea, Russian Red Madrilgoa, El Guincho kanariarra, Orehla Negra Portugalgo taldea eta D'Callaos Kataluniakoa ariko dira, besteak beste.