BBC telebista kateak jakinarazi duenez, Shirley Temple aktore amerikarra zendu da, 85 urte zituela. Haurra zela hasi zen zineman lan egiten. Lehen agerraldietan arrakasta handia izan zuen, eta, 1934tik aurrera, protagonista bihurtu zen. 1938 arte, batez beste urteko hiru filmetan parte hartu zuen. Urte hartan, haur antzezle ezagunenaren Oscar berezia jaso zuen.
D. Runyonen Little Miss Marker (1934), Henry Hathawayren Now and forever (1934); D. Butlerren Bright Eyes (1935); Cummingsen Poor Little Rich Girl (1936) dira hark lan egindako film nagusiak.
1949an zinemagintza utzi zuen. Gero, politikan parte hartu zuen, Ameriketako Estatu Batuetako Alderdi Errepublikanoan.
