Zirku bat egin nahi dute Cocok eta Xebasek, baina ezin ganorazkorik egin. Eta behar bezalako ikuskizuna egiteko, benetako gorila bat behar luketela pentsatu, eta ekarri egiten du Xebasek. Kibubu izena du gorilak, eta harekin moldatzeko dituzten gorabeherak dira antzezlaneko abiapuntua. Kibubu obra igandean estreinatuko dute Tartean eta Marie de Jongh konpainiek, Bilboko Alondegian, 18:00etan.
Jokin Oregik idatzi eta zuzendutako haurrentzako komedia da Kibubu. Obrako pertsonaien artean ez dago elkarrizketarik. Horrek, hala ere, ez du eragozten ikuslea hunkitzea, zuzendariaren iritziz.
Iaz, Gijongo (Espainia) Feten jaialdiko antzezlan onenaren saria irabazi zuten Alabatxo lan arrakastatsuarekin. Urrian, berriz, New York, Washington eta Europako hainbat antzokitan egin dituzte emanaldiak obra horrekin.
Tartean eta Marie de Jongh taldeek 'Kibubu' estreinatuko dute etzi, Bilbon
Jokin Oregirena da haurrentzako obra hori, zinema mututik gertu, pertsonaien arteko elkarrizketarik gabea
Iruzkinak
Ez dago iruzkinik
Ordenatu
