'The Artist' eta 'Hugo' faborito direla banatuko dituzte gaur Oscar sariak

Oscar sariek bor-borrean jarri dituzte sare sozialak azken egunotan. Gaurko gaua arte ez da 2012ko irabazleen izenik jakingo, baina apustuak mahai gainean dira jada. Martin Scorseseren Hugo eta Michel Hazanaviciusen The Artistfilmak dira sarietarakoizenik entzunenak. Hamar izendapen jaso ditu The Artist film mutuak; Hugo, Scorsesek zinemari egindako omenaldia,berriz, 11 sarirako izendatu dute. Pelikula onenaren, zuzendari onenaren eta gizonezko aktore nagusi onenaren sarietarako lehian arituko dira film biak, besteak beste.

Pelikula onenaren atalean ez dute bide errazik izango, eta elkarren lehian izango dituzte Steven Spielbergen War Horse, Alexander Payneren The Descendants, Terrence Malicken The Tree of Life, Woddy Allenen Midnight in Paris, Stephen Daldryren Extremely Loud &Incredibly Close, Tate Tayloren The Help eta Bennet Milleren Moneyball filmak.

Horien arteko bost zuzendari lehiatuko dira zuzendari onenaren sariagatik: Hazanavicius,Payne, Scorsese, Allen eta Malick izendatu baitituzte zinema akademia amerikarraren sarira. Beraien gaua izango bada ere, zuzendariek distira partekatu beharko dute beren pelikuletako aktoreekin. Jean Dujardin The Artist filmeko protagonista, gizonezko aktore onenaren sariagatik lehiatuko da George Clooney, Brad Pitt, Demian Bichir eta Gary Oldman aktoreekin batera. Lehenengo hiruren izenak behin eta berriz errepikatu dira kinieletan. Emakumezko aktore protagonisten artean ere lehia handia egongo da, Meryl Streep eta Glenn Closen izenak gogor entzun dira aspaldi, The Iron Lady eta Albert Nobbs-en egindako lanengatik. Beraiekin izendaturik daude hauek ere: Viola Davis, Rooney Mara eta Michelle Williams.

Sariek zapore donostiarra izan dezakete, aurten. Izan ere, Alberto Iglesias musikari donostiarrak Tinker Taylor Soldier Spy filmaren musikagatiko izendapena jaso du. Oscar sarietarako izendatzen duten hirugarren aldia da.