Trinitate plaza estaltzearen aurka bat egin dute hainbat eragilek

KULTURA. Donostiako Udalak Trinitate plazako pilotalekua estaltzeko lehiaketa abiarazi duenez, arkitekturako, kulturako eta gizarteko hainbat eragilek bat egin dute, eta Peña Gantxegi Artxiboak sustatutako Trinitate Plazaren Alde izeneko manifestua sinatu. Horien artean daude, besteak beste, Rafael Moneo arkitektoa eta Iñaki Abalos Harvardeko Unibertsitateko Arkitektura Departamentuko zuzendaria.