twisted teens
'Blame the Clown'
Diskoetxea: Chain Smoking Records
New Orleans hiriko bikoteak 2024an plazaratu zuen bere estreinako lan homonimoa, zeinak garage-punk estiloaren horma zurrunak kraskatu zituen proposamenaren originaltasuna tarteko: steel gitarraren zertzeladekin jantzitako country-folk-punk kutsuko doinuak. Bigarren ahalegin honetan, estatubatuarrek jario propio hori zorroztu eta orraztu egin dute, eta kantu sendoagoetan eta emozionalagoetan gauzatzen jakin. Hala, 11 kantuetan balada lazgarriak nabarmentzen dira, tarteka putzu gordinagoetan lokazten badira ere. Horiek horrela, Pitchfork hedabide entzutetsua ere bikotearen aurrean belaunikatu da. Ez da harritzekoa.
