Txirri, Mirri eta Txiribiton pailazo ezagunek 40 urteko ibilbidea ospatu eta publikoari agur esango diote datorren asteartean, abuztuak 21, 19:00etan, Bilboko Euskalduna jauregian Euskadiko Orkestra Sinfonikoarekin batera egingo duten 40 urteko algara kontzertuaren bitartez.
Barre eta kanta eragiteko asmoz, pailazoen abestirik ezagunenak emango dituzte: Txirri, Mirri eta Txiribiton; Pintto, pintto; Zapi zuria; Behin edo behin; Paristik natorren… Zeregin horretan lagun izango dituzte Txirri, Mirri eta Txiribiton Junior, Bilboko Koral Elkarteko Kontserbatorioko Abesbatza eta Araoz Txiki eta Easo Txiki abesbatzak.
Interesgarria izango zaizu
Nabarmenduak
