Urrats gehiago 'Gernika' kultur ondare izendatzeko

ONDAREA. Pablo Picassoren Gernika margolana gizateriaren kultur ondare izendatzeko hautagaitza bideratzeko eskaera aurkeztu zuen Iñaki Uriarte arkitektoak Eusko Jaurlaritzako Kultura Sailean joan den apirilaren 26an. Eskaera hori tramiterako onartu, eta Espainiako Gobernuko Kultura Ministerioari igorri diola jakinarazi du Jaurlaritzak, erakunde horrek baitu Europan gisa horretako hautagaitzak aurkezteko eskumena.