Viktoria Eugenian izango da Eleftheria Arvanitaki

MUSIKA. Udazken honetan Eleftheria Arvanitaki abeslari greziarra eta Calexico rock talde estatubatuarra izango dira Donostiako Viktoria Eugeniako kontzertu programaren barruan. Oraindik hilabeteak falta dira programa guztia betetzeko, baina bertan izango da ikusgai Kukairen Hostoak ikuskizuna, Iparraldeko Amaren Alabak eta Oreka TXren emanaldia ere. Arvanitaki abeslaria 2008an izan zen Donostian, eta Calexico taldeak 2009an bisitatu zuen hiria.