'Vs.' eta 'Vitalogy' berriro aterako ditu Pearl Jamek

MUSIKA. Hogei urte beteko ditu Pearl Jam taldeak, eta, urteurrena ospatzeko, Vs. eta Vitalogy lanak berriro kaleratuko ditu, edizio berezi gisa. Hilaren 29an jarriko dira salgai, eta, Internet bidez ez ezik, bi formatutan eskuratu ahalko dira: hiru CDko bilduma gisa, edo bildumagileentzako luxuzko edizio gisa. Bi lanez gain, sei kantu berezi eta kontzertu baten grabazioa jaso dituzte haietan, besteak beste.