Eusko Jaurlaritzako Osasun Sailak uraren kalitatea aztertzeko neurketak egin ditu Zumaiako Santiago hondartzan, eta, Zumaiako Udalak jakinarazi duenez, azterketaren emaitzek adierazi dute ez dituela betetzen kalitate irizpideak. Hortaz, han bainatzea debekatu dute.
Segurtasun neurri gisa, bandera gorria jarri dute hondartza hartan, bai eta bertan ez bainatzeko edo ur jarduerarik ez egiteko aholkatu ere, harik eta uraren kalitatea hobetzen den arte.
Osasun Sailak bihar aztertuko du berriro Santiago hondartzako ura, eta analisiek emandako emaitzen arabera erabakiko dute bainua baimendu ala ez.
