Imanol Aleson azkoitiarrak hirugarren aldiz irabazi du Ehunmiliak ultratraila

MENDIA. Imanol Alesonek lortu zuen atzo garaipena Ehunmiliak ultrailaren seigarren ekitaldian. Azkoitiko mendiko korrikalaria hirugarrenez igo zen koska gorenera, 2010ean eta 2013an ere bera nagusitu baitzen. Alesonek 24.11.29ko denbora behar izan zuen 168 kilometroak osatzeko. Jerome Rodrigues izan zen bigarren (24.28.31) eta Joan Marc Falco hirugarren (25.01.13). Emakumezkoetan, Jaione Sasieta Ezkio-Itsasoko korrikalaria zihoan lehen postuan berria hau idaztean. Goierriko Bi Handietan (88 km), berriz, Iokin Garai (10.13.50) eta Silvia Trigueros (12.15.34) nagusitu ziren. Gaur jokatuko da Marimurumendi maratoia. 09:00etan abiatuko da Beasaingo Loinazko San Martin plazatik.