iraken okupazioa

10 lagun hil dituzte gaur izan diren hiru erasoetan

Erasorik larriena Latifijan izan da. Ezezagun batzuk ibilgailu bati eraso egin diote eta lau lagun hil eta bi zauritu dituzte. Ez da zehaztu erasoaren helburua zein izan den. Mosulen berriz bonba auto lehertarazi dute ibilgailu amerikarren konboi bat pasatzen ari zela. Konboiak ez du kalterik izan baina soldadu amerikarrek sutan zegoen autoaren ingurura tiro egin eta ondotik pasatzen ari zen auto bateko hiru lagun hil dituzte. Bagdadeko Sadr City auzoa hegazkin amerikarren helburu izan da bart eta gaur goizean eta erasoan 3 lagun hil dituzte. Moktada al Sadr apaiz xiitaren jarraitzaileak zituen helburu aireko erasoak baina al Sadren bozeramaile batek hildakoak zibilak direla adierazi du.

2004ko urriaren 5a

17:41

Entzun 00:00:00 00:00:00

Mosulen bi hildako topatu dituzte burua moztuta. Hildakoak irakiarrak dira, baina Irakeko Poliziak ez du esan zeintzuk diren, ezta zein taldek hartu duen bere gain hilketa.

Bestalde, Faluja hiriko ordezkaritzak eta Irakeko Gobernuak akordio bat lortu dute azken asteotan izan diren erasoaldiekin amaitzeko. Borrokalari atzerritarrak hiritik ateratzea eta berriz ez bueltatzea izan dira akordioaren puntu garrantzitsuenak. Irakeko polizia hirian sartuko da legea berrezartzeko.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak