Gaur ere egin dute atentaturik Iraken: bonba-autoa lehertu dute Bagdad hiriburuan eta gutxienez 11 lagun hil dituzte. Beste 37 zauritu egin dira.
Azoka batean egin dute erasoa, hiriaren hegoaldean. Azoka jendez beteta zegoen, Irakeko Poliziak esan duenez. Ez du jakinarazi atentatua suizida izan den edo ez.
Iturri ofizialen arabera, apirilean atentatuen bidez 680 pertsona hil zituzten. Martxoko kopurua 250ekoa izan zen.
Irak
