Pakistan ipar-ekialdeko polizia etxe baten kontra eraso suizida bat izan da gaur eguerdian, eta 22 pertsona hil eta 35 zauritu dira, gutxienez. Ekintzaile suizidak lehergailuz beteriko auto bat polizia etxearen kontra jo zuen, Mirian herrian, Bannu eskualdean, eta, komisariaz gain, kalteak egin ditu ondoan dauden mezkita batean eta eskola batean ere.
Hildakoak poliziak eta zibilak direla diote informazio iturriek; izan ere, goizeko otoitzaren ordua zenez, mezkita jendez beteta zegoen. Bannuk iparraldean Ipar Waziristan eskualdearekin egiten du muga, eta han Afganistango eta Pakistango talibanak daudenez, Bannu leku estrategikoa da.
MUNDUA
22 pertsona hil eta 35 zauritu dira Pakistanen, polizia etxe baten aurkako eraso suizida batean
Mezkita batean eta eskola batean kalte egin du eztandak; hildakoak poliziak eta zibilak direla diote informazio iturriek.
Iruzkinak
Ez dago iruzkinik
Ordenatu
