Ipar Kurdistango (Turkiaren menpeko Kurdistan) Merdin eskualdean atzo gauean ospatzen ari ziren ezkontza batean gertatutako tiroketan 44 lagun hil dituzte; sei adingabeko eta hamasei emakume horien artean. Poliziak zortzi pertsona atxilotu ditu, erasoarekin zerikusia izan dezaketelakoan.
Hildakoez gain, hogei lagun inguru zaurituta daude. Lekukoen arabera, hainbat pertsona ezkontza ospatzen ari ziren lekura sartu eta bertan zeudenen aurka tiroka hasi ziren.
Turkiako komunikabide batek jakinarazi duenez, ospakizuneko hainbat kide Kurdistango Langileen Alderdiaren (PKK) aurka borrokatzen duen miliziako kideak dira. Hasiera batean, Poliziak erasoaren egileak PKK-ko kideak izan zirela pentsatu du, baina hipotesi hori baztertua du. Familien arteko liskar bat izan dela uste du Poliziak.
mundua
44 lagun hil dituzte Ipar Kurdistanen, tiroketa batean
Poliziaren ustez, erasoa ez du PKK-k egin.
Iruzkinak
Ez dago iruzkinik
Ordenatu
