Beste lurrikara bat gertatu da Haitin: Richter eskalan 4,5 gradukoa, Ameriketako Estatu Batuetako (AEB) Institutu Geologikoaren arabera. Ez dute kalteen berririk eman. Haitiko goizeko hamaikak aldera gertatu da, eta Port-au-Prince hiriburutik 25 kilometro mendebaldera izan da epizentroa.
Asteartean izandakoaren erreplika izan dela dio institutuak; ordutik 50en bat izan dira. Asteartean 7 gradukoa izan zen eta, Haitiko Gurutze Gorriaren arabera, 50.000 lagun inguru hil dira. "Horretaz gain, uste dugu hiru milioi pertsona kaltetu direla; zauritu direnak edota etxea galdu dutenak dira horiek". Hamar milioi biztanle ditu Haitik.
Nazio Batuen Erakundeak (NBE) gaur jakinarazi duenez, Leogane, Gressier eta Carrefour herriak hondatuta geratu dira astearteko lurrikararen ondorioz. Leoganeko etxebizitzen %90ek kalte handiak jaso dituzte, esaterako; 134.000 biztanle ditu eta, NBEren arabera, 5.000-10.000 lagun hil dira.
Gressierren -25.000 biztanle ditu- eta Carrefourren -334.000- eraikinen erdia dago erorita edo kaltetuta.
Haitiko herritarrak amorratzen hasi dira, laguntzarik jaso ez dutelako.
munDUA
4,5 graduko lurrikara izan da Haitin
Asteartean izandakoaren erreplika izan dela dio AEBetako Institutu Geologikoak.
Iruzkinak
Ez dago iruzkinik
Ordenatu
