BCSF Frantziako Sismologiako Bulego Zentralak jakinarazi duenez, Richter eskalan 4,5eko indarra hartu duen lurrikara gertatu da bart goizaldean Pirinioetan, zehazki, Pirinio Garaien departamenduan, Tarbes hiriburutik hegoaldera, Bagneres-de-Bigorretik 10 bat kilometrora.
03:30 inguruan gertatu da astindua, eta 40 kilometro inguruko eremuan hamabost bat herritan bizilagun ugarik nabaritu dute. Asko eta asko esnatu egin dira lurrikararen ondorioz. Hala ere, ez da inor zauritu eta ez du kalterik eragin.
Katalunian ere, batik bat, Lleida probintzian, sentitu dute.
Lurrikara
4,5eko lurrikara Pirinioetan
Okzitanian, Frantziako Pirinio Garaien departamenduan, izan du epizentroa, baina Katalunian ere nabaritu dute. Ez du kalterik eragin.
Iruzkinak
Ez dago iruzkinik
Ordenatu
