TREN ISTRIPUA

5 lagun hil eta 36 zauritu dira tren istripu batean Palentzian

Ezbeharra Palentziako (Espainia) Villada herrian gertatu da 16:00ak inguruan. Istripuaren ondorioz gutxienez bost bidaiari hil direla jakinarazi dute Larrialdi Zerbitzuek, nahiz eta hasiera batean zortzi zirela esan. Zauritu diren 36 lagunetatik lau egoera larrian daude. Oraindik ez da argitu zerk eragin duen istripua.

2006ko abuztuaren 21a
19:49
Entzun 00:00:00 00:00:00
Vigo (Galizia) eta Hendaia arteko ibilbidea egiten ari zen trena bidetik atera da. Lekukoek esan dutenez, trenaren sei bagoiak eta makina bidetik atera eta gero irauli egin dira. Antza denez, hainbat bidaiari tren barruan geratu dira. Une honetan, hainbat helikoptero eta anbulantzia zaurituak ebakuatzen ari dira.

Intercity 280 trena goizeko 8etan atera da Galiziatik, eta 20:35ean Hendaiara ailegatzekoa zen, Leon, Palentzia eta Burgostik (Espainia) igaro ondoren. 426 bidaiari zihoazen trenean istripua gertatu denean.

Aukeratu BERRIA gogoko iturri gisa Googlen. Aktibatu hemen

Iruzkinak
Ez dago iruzkinik

Ordenatu
0/500
Gehien irakurriak
Interesgarria izango zaizu
Nabarmenduak
Zure babes ekonomikoari esker egiten dugu kazetaritza konprometitua. BABESTU BERRIA
Egin zure ekarpena