Afganistan

Afganistanen bahituta zituzten NBEko hiru langileak askatu dituzte

Afganistanen gatibu zituzten NBE Nazio Batuen Erakundeko hiru langileak askatu dituzte gaur. Ia lau aste pasa dituzte bahituta; Kabulen hartu zituzten gatibu. Ipar Irlandako Annetta Flanigan, Kosoboko Shiqipe Hebibi, eta Filipinako Angelito Nayan gaur utzi dituzte aske, eta bahitu aurretik Afganistango Presidentea aukeratzeko hauteskundeak prestatzen aritu ziren.

2004ko azaroaren 23a

11:37

Entzun 00:00:00 00:00:00

Urriaren 28an bahitu zituzten NBEko hiru langileak Kabulen daude orain, eta mediku azterketan egiten ari zaizkie.

Ukatu egin dute askapen hori lortzeko dirua ordaindu dutenik. Afganistango Barne Ministro Ali Ahmad Jalalik zera esan du: "Ez dugu presorik askatu, eta ez dugu dirurik ordaindu, eta ez dugu bahitzaileen eskarietako bat bera ere bete".

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak