Afganistanen ustezko 30 ekintzaile hil dituzte

KABUL. Egun odoltsua izan zen atzokoa Afganistanen. Hegoaldean eta iparraldean piztutako borroketan ustezko 30 ekintzaile taliban eta ISAF nazioarteko indarretako hiru soldadu hil ziren. Ustezko milizianoak bonbardaketa batean hil zituzten, Lagman probintzian dagoen Alishing barrutian. Iturri ofizialen arabera, Afganistango eta atzerriko 250 soldaduk hartu zuten parte operazioan.