Afganistango Presidentzia hauteskundeak abuztuaren 20an egingo dituzte

Hamid Karzai Afganistango presidenteak amore eman du eta Presidentzia hauteskundeak abuztuaren 20an izatea onartu du. Bozak udaberrian egitea nahi zuen hark. Hauteskunde Batzordearen ustez, ordea, herrialdea ez dago prestatuta bozak udaberrian egiteko, "arrazoi logistiko eta segurtasunekoengatik".

"Nazio interesak" kontuan hartuta onartu du abuztuan izatea Karzaik. Ameriketako Estatu Batuak, NBE eta NATO abuztuan egitearen aldekoak dira.

Maiatzaren 21ean bukatuko du agintaldia Karzaik. "Ordutik hauteskundeak egin arte, ordea, ez dut presidente ilegala izan nahi".