A/H1N1 gripeak 60 hildako eragin ditu Argentinan

BUENOS AIRES. Argentinan jada 60 lagun hil ditu A/H1N1 gripeak; guztira 2.485 lagun kutsatuta daudela baieztatu dute, eta ehun mila ere izan daitezkeela ohartarazi dute. OME Osasunaren Mundu Erakundeak jakinarazi duenez, 429 hildako eragin ditu munduan birusak; kutsatutako lagunak, berriz, 94.000 dira. Europan abenduan egongo da eskura gripearen aurkako txertoa. Pandemiaren kontrako neurriak martxan jarri ahal izateko mila milioi dolar beharko dira.