"Oker baten ondorioz" Afganistango Armadako sei soldadu hil dituzte soldadu alemaniarrek, Kunduz probintzian. Iturri ofizialek agertu duenez, bi ibilgailu zibiletan inguratu dira soldadu afganistandarrak alemaniarrengana, eta haiek milizianoekin nahastu eta tiroka hartu dituzte.
Ordu batzuk lehenago, Alemaniako soldaduek tiroketa izan zuten ekintzaile armatuekin, eta hiru soldadu hil ziren eta beste bot larri zauritu. Hain zuzen ere, tiroketa gertatutako lekurantz zihoazen soldadu afganistandarrak hil dituzten alemaniarrak.
Alemaniako Armadako iturriek agertu dute gertatutakoa "deitoratzen" dutela eta ikertzen ari direla. Alemaniak 4.300 soldadu ditu Afganistanen; kopuruz hirugarrena da.
Afganistanen
Alemaniako tropek sei soldadu afganistandar hil dituzte, "okertuta"
Milizianoekin nahastu dituzte. Ordu batzuk lehenago Afganistango ekintzaile armatuek hiru soldadu alemaniar hil zituzten.
Iruzkinak
Ez dago iruzkinik
Ordenatu
