Aljerian 150 manifestari eta polizia baino gehiago zauritu dira istiluetan

Azkenaldiko istilurik gogorrenak izan dituzte Aljerian. El Watan egunkariaren arabera, 150 manifestari eta polizia baino gehiago zauritu ziren atzo presidentearen jauregiaren aitzinean izandako liskarretan, Aljer hiriburuan. Antolatzaileen arabera, 10.000 lagun inguru elkartu dira erregimenaren aurka protesta egiteko, baina Abdelaziz Buteflika presidentearen jauregira hurbildu direnean, Poliziak kolpeka sakabanatu ditu.