Alkate bat hil dute Mexiko iparraldean

MEXIKO HIRIA. Doctor Gonzalez herriko alkate Prisciliano Rodriguez hil zuten atzo tiroz, Mexiko iparraldean. Iturri ofizialen arabera, gaizkileak haren zain zeuden etxe atarian eta arratsaldean hara iritsitakoan hil zuten. Hilabetean hil duten laugarren alkatea da Rodriguez. Nuevo Leonen, AEBekin mugan dagoen estatu horretan, gutxienez 500 pertsona hil dira droga trafikatzaileen arteko borroketan.