90.000 pertsona batu ziren Batzelonako Camp Nou estadioan larunbat iluntzean independentziaren alde, 'Concert per la Llibertat' edo Askatasunaren Kontzertua deiturikoan.
Erakustaldi independentista izan zen, zelaia eta armailak mukuru bete baitziren herritarrez eta Kataluniako banderez. Dozenaka kantari igo ziren oholtzara, eta tartean izan zen Fermin Muguruza ere. BERRIAren 10. urteurreneko kamiseta soinean zuela kantatu zuen Irungoak kontzertu historikoan.
Bost ordu iraun zuen jaialdiak. Independentziaren alde oihukatu zuten kontzertura joandakoek hainbatetan, eta 'Kataluniak askatasuna' ingelesez zihoen mosaikoa osatu zuten une batean.
