Greziako Askatasunaren Flotillako antolatzaileek salatu dutenez, igandean Gazarantz abiatuko dute ontzietako batean sabotajea egin zuten atzo. Helizeetako baten ardatza zerra batekin moztu zuten, eta atzo egin zuten frogetako batean hautsi egin zen, sabotajearen ondorioz.
Urpekariak sabotajea aztertzen aritu ziren, eta horrekin batera gainerako ontzietan antzekorik egin duten ere begiratu dute, bai Atenasen baita Mediterraneoko gainerako portuetan ere. Sabotajeak ez duela Askatasunaren Flotilla geldituko esan dute antolatzaileek.
Askatasunaren Flotillak ostegunean eta ostiralean bilduko da Mediterraneoan, Gazako herritarrentzat materiala eramateko. Tartean Gernika ontzia izango da, eta Picassoren Gernika koadroaren erreplika bat eramateaz gain, 5.000 tona laguntza eramango du.
Israelgo Gobernuak adierazi du Askatasunaren Flotilla geratzeko asmoa.