Atentatua Grezian

Atenasen atentatua egin dute joku Olinpiarretarako 100 egun falta direnean

Kalizera eskualdeko polizia-etxe batean hiru lehergailuk eztanda egin dute gaur goizaldean. Atentatuak ez du hildakorik eragin, bai ordea kalte material handiak. Lehergailuek eztanda egin baino hamar minutu lehenago atentatugileek abisu eman dute telefonoz, Elefterotipia egunkarira. Greziako bertako talde armaturen batek egin duela atentatua uste du poliziak.

2004ko maiatzaren 5a

11:53

Entzun 00:00:00 00:00:00

Hango 03:55ean egin du eztanda lehen lehergailuak, galdutako gauzak egoten diren komisaldegiko gelan, eta haren atzetik lehertu dira beste biak. Leherketak izan eta ordu erdira laugarren lehergailu bat aurkitu du poliziak, eta era kontrolatuan eztandarazi.

Oraindik ez du inork beregain hartu atentatua, baina, Greziako poliziaren ustetan bertako talderen batek egin du.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak