AZKEN URTEETAKO UHOLDE HANDIENAK

Azken hamarkadetako euri garai okerrenaren ondorioz, milaka kaltetu daude Kolonbian. Iturri ofizialek jakinarazi dutenez, urtea hasi zenetik 136 lagun hil dira herrialdean; kaltetuak, berriz, 1,3 milioi dira. Atzo, Bogotako alkateak alerta horia ezarri zuen hiriburuan. Adituen ustez, datozen asteetan egoerak ez du hobera egingo; abendua pasa arte euria baitago iragarrita. Argazkian Sucre herriko gizon bat ageri da, ura gerriraino duela.